dyraland.is - dyraland.is - Heimur dýranna á netinu

Spurt og svarað

Spurning:
Ég er að fara að fá mér kettling í fyrsta skiptið og mig
langar að spyrja að einu. Hvort er betra að eiga læðu eða fress?
Ég myndi endilega fá að vita það. Takk fyrir. :)

Svar:
Gaman að heyra að þú skulir ætla að fá þér kettling. Það verður án efa mjög skemmtilegt, því litlir kettlingar eru oftast mjög fjörugir. Hvort þú ættir að fá þér læðu eða fress fer alveg hvað þú vilt, það er ekki mikill munur á þeim sem kettlingum. Skapgerð katta er miklu frekar einstaklingsbundin, heldur en við kynin. Bæði kynin verða rólegri þegar þau eru búin að fara í ófrjósemisaðgerð, en fressarnir verða yfirleitt stærri. Þannig að það er ómögulegt að segja hvort er betra að eiga. Ég myndi ráðleggja þér að kíkja í bækur eins og td. Kattahandbókina, til að sjá hvaða hlutum þarf að gæta að og svo geturðu líka kíkt á heimasíður á netinu, það er oft heilmikill fróðleikur þar.

Gangi þér vel í leitinni að nýjum heimilisketti,

Spurt og svarað

Spurning:
Ég er með 2 hamstra og allt gengur svo sem vel.
var þó að spá hvort það væri eðlilegt að þeir kúkuðu í bælið sitt?

þeir eru bara búnir að vera hjá okkur í 3 vikur og eru rétt að verða 8
vikna svo það er kannski eðlilegt?

þeir pissa í eitt hornið en eru að skíta út um allt, og sérstaklega í
bælið sitt.

Eru þeir kannski enn hræddir?

Svar:
Það er ekkert óeðlilegt við að hamstrarnir kúki í bælið sitt, þeir gera það oft. Ef að kúkurinn er eðlilegur að sjá, þá myndi ég ekki hafa neinar áhyggjur. Það getur vel verið að þetta minnki með tímanum, en þetta er að sumu leyti ágætt því að þetta gefur þér færi að á fylgjast vel með hægðunum hjá þeim, en kúkurinn segir oft heilmikið til um heilsufarið hjá hömstrunum og það er mikilvægt að meltingarfærin séu í góðu lagi.

Gangi þér vel með litlu hamstrana,

Með kveðju,
Anna dýralæknir á Dagfinni

Spurt og svarað

Spurning:
Ég er með Himalaya persa sem að er með mjög linar hægðir og festast þær alltaf í hárunum á afturendanum á henni með tilheyrandi óþrifnaði. Fyrir næstum 3 vikum síðan þá skiptum við um þurrfóður hjá henni. Okkur var ráðlagt í gæludýraverslun að skipta út því sem að hún var á þar sem hún fór svo svakalega úr hárum.
Málið er að hún fær bara þurrfóður og svo vatn en það er ekki nema vika síðan þetta vesen með hægðirnar byrjuðu en 3 vikur síðan að hún fékk nýjan mat. Getur verið að þetta hafi áhrif á hana eða ætli það sé eitthvað annað að hrjá hana ?

Svar:
Margar orsakir geta legið að baki magavandamála og því oft ekki til neitt einhlítt svar eða ráð við vandamálinu. Það eru nokkrir hlutir sem þurfa að vera í lagi, td þarf að ormahreinsa reglulega og gefa kettinum kattamalt til að losa sig við hárin. Síðan þarf kisa að vera á góðu þurrfóðri, en þú segir ekkert um hvaða tegund fóðurs kisa er á. Persakettir geta verið dálítið viðkvæmir fyrir fóðurbreytingum og oft hentar ekki hvaða fóður sem er fyrir þá. Ef að maður er búinn að finna tegund sem að virkar vel er best að halda sig við hana. ÞAð er alveg möguleiki að kisa þoli ekki fóðrið sem þú varst að skipta yfir á, það þarf ekki að koma fram strax við fóðurbreytingu. Ég held að það væri rétt fyrir þig að skipta aftur yfir á fóðrið þar sem hægðirnar voru eðlilegar og leita einhverra annarra ráða við hárlosinu eins og td. vítamínsprautu og svo fást líka allskyns fæðubótarolíur sem má setja yfir matinn þeirra en þær hafa oft mjög góð áhrif á feldinn. Þegar hægðirnar eru komnar í lag aftur geturðu svo prufað annað fóður, ef þú vilt.
Ef hún hinsvegar er með mikinn niðurgang þarf að grípa til ráðstafana gegn því. Oft er gott að taka frá þeim matinn í hálfan sólarhring og byrja síðan að gefa þeim ofsoðin hrísgrjón í litlum skömmtum. Í það má svo bæta kjúkling, soðnum fiski, ab mjólk, eða kotasælu og smám saman svo færa hana yfir á þurrfóðrið. Passa vel að hún hafi alltaf aðgang að vatni. Ef þetta hins vegar hjálpar ekki á 3-4 dögum, er kominn tími til að láta dýralækni kíkja á kisu.

Vona að ykkur gangi vel með kisu,
Með kveðju,
Anna dýralæknir á Dagfinni

Spurt og svarað

Spurning:
Góðan daginn. Ég á kisu sem er 4 ára gömul. Ég hef tekið eftir því
undanfarna 2 daga eða svo að það er eins og hún geti ekki mjálmað. Það
heyrist bara eitthvað svona tíst í henni þegar hún er að reyna það.
Geta kettir fengið hálsbólgu?

Svar:
Kettir geta fengið hálsbólgu rétt eins og við, en það fylgja því oft einkenni eins og hósti og hnerri. Oftast er það ekki alvarleg þegar kisur "missa málið" í smátíma en það þarf að fylgjast vel með henni og sjá til þess að hún borði og sýni ekki önnur einkenni um lasleika. Ef önnur einkenni koma í ljós þarftu að hafa samband við dýralækni.

Með kveðju,
Anna dýralæknir hjá Dagfinni

Spurt og svarað

Spurning:
Hvers vegna er verið að selja krabbameinsvaldandi lyf fyrir dýr eins og
pilluna?? er ekki allt i heiminum krabbameinsvaldandi hvort sem er? ég veit
ekki hvað ég á að gera i þessu. Ekki vil ég taka hana úr sambandi strax og
ekki vil ég alls ekki að hun fái krabbamein, ég er að fara að rækta undan
henni,´þetta er norsk skvíza.. ég er bara ónyt út af þessu.. hun er búin að
vera innikisa i eitt ár og er að fara að flytja á jarðhæð og vill að hun
fari út einstaka sinnum.. er pillan krabbameinsvaldandi við langvarandi
notkun eða er allt i lagi að nota hana i stuttan tima? hversvegna fá kettir
nýrnasjúkdóma? eru hjartasjúkdómar i kisum þekkt fyrirbæri??

Svar:
Sæl. Þú spyrð af hverju sé verið að selja lyf sem eru krabbameinsvaldandi en það er með þau eins og svo margt annað, það stjórnast af framboði og eftirspurn. Það er heldur ekki hægt að segja að allir kettir sem fari á pilluna fái júguræxli, það er ekki 100% öruggt. Rannsóknir hafa sýnt að notkun á kattapillunni eykur áhættuna á að læðan fái júguræxli, áhættan eykst eftir því sem pillan er notuð lengur, aukin áhætta er til staðar um leið og notkun pillunar hefst. Því miður er ég ekki með nákvæmar tölur yfir hversu mikil áhættan er en hún liggur á bilinu 40-60%. Júguræxli koma þó oftast nær ekki í ljós fyrr en læðan hefur náð rúmlega miðjum aldri eða við 10-12 ára aldur. Vegna þessa mælum við eindregið með því að taka læður úr sambandi, sé ekki ætlunin að láta kisu eignast kettlinga. Þú ætlar hins vegar að rækta undan henni þannig að þá þarftu að ákveða hvort vilt sleppa því að nota pilluna en ef kisa fer út er næsta víst að hún verður kettlingafull mjög fljótlega sé sú leið valin. Hin leiðin er auðvitað að nota pilluna.

Í sambandi við af hverju kettir fá nýrnasjúkdóma þá er ekkert einfalt svar við því. Sumir nýrnasjúkdómar eru arfgengir eins og td. PKD hjá Persaköttum, en aðrir koma sem afleiðing af samspili erfða og umhverfisþátta. Kattafóður getur td. haft áhrif, en einnig aldur kisu og almennt ástand. Hjartasjúkdómar hjá köttum eru þekktir, þó alls ekki eins algengir eins og hjá hundum og eru líka afleiðing erfða og umhverfisþátt. Td. má nefna að einn algengur hjartasjúkdómur hjá köttum er orðinn mjög sjaldgæfur núna, eftir að uppgötvað að í kattafóður vantaði amínósýru sem köttum er lífsnauðsynleg. Núna er búið að bæta úr þessu, viðkomandi amínósýra er komin í allt kattfóður og kettirnir mun heilsuhraustari fyrir vikið.

Vona að þetta svari spurningum þínum að einhverju leyti, annars er þér velkomið að hafa samband aftur við dyraland.is.

Með kveðju,
Anna dýralæknir á Dagfinni

Spurt og svarað

Spurning:
Er einhver sem getur ráðlagt heilt með svefnvenjur hunda. Ég á chua hund
sem er 1 1/2 sefur í körfu á gólfinu hjá mér. Hún byrjar að ráfast um
undir morgun milli 4.30 - 5, nær í dót, og gengur fram og tilbaka og
heyrist svo mikið í henni á parketinu að hún vekur heimilsfólkið. Ef ég
loka hana inní búrinu er hún byrjuð að krafsa og vill komast út. Getur
einhver hjálpað mér, er svefnvana einsog ungbarnamæðurnar ;)

Svar:
Að jafnaði sofa hundar um 13 tíma á sólarhring, þannig að það ætti ekki að vera vandamál að fá þá til að sofa á sama tíma og annað heimilisfólk. Hugsanlega tengist þetta næturrölt hennar því að hún fær of mikinn svefn á daginn, og er því glaðvöknuð á nóttunni og þarf þá að hafa ofan af fyrir sér.

Eitt ráð við þessu er að hreyfa hana meira yfir daginn, passa að hún sofi ekki of mikið þá og svo að fara í langan göngutúr á kvöldin til að þreyta hana fyrir háttatímann.
Prufaðu þetta og sjáðu hvort það hjálpar, annars hefurðu bara samband aftur.

Með kveðju,
Anna dýralæknir á Dagfinni

SPURT OG SVARAÐ

Spurning:
Mig langaði að spurja þig i sambandi við tíkina mína, sem er blönduð
labrador og íslenskur, hvað gæti verið að henni en síðustu 2 daga og
nætur hefur hún þurft að fara út á tveggja klukkustunda fresti til að
kúka og þá kúkar hún ekki venjulega heldur bara svona hálfgerðri leðju.
Veistu eitthvað hvað það gæti verið??

Svar:
Það hljómar eins og tíkin þín sé með niðurgang, en hundar fá það nokkuð oft. Þeir geta bæði hafa smitast frá öðrum hundum, eða borðar eitthvað miður heppilegt. Ef að ekki fylgja niðurganginum uppköst, eða að það sé blóð eða slíkt í kúknum eða að hundurinn sé almennt slappur, er best að taka venjulega matinn af hundinum í smá tíma, allt uppundir 24 klst. En láta þá drekka vel af vatni og útbúa handa þeim svolítið sérfæði sem er milt fyrir magann. Það eru td. hrísgrjón sem eru ofsoðin en best er að hafa þau sem undirstöðu í "sjúkrafæðinu", síðan má blanda við það kjúkling, soðnum fiski, kotasælu, eða ab mjólk. Þetta er síðan gefið í litlum skömmtum oft á dag (litlir skammtar eru 1-3 matskeiðar).
Ef að niðurgangurinn lagast ekki þrátt fyrir þessar ráðstafanir er best að láta dýralækni líta á hann, því það getur verið að þurfi að gefa fúkkalyf eða stemmandi fæðubótarefni eða setja hundinn á sérstakt fóður fyrir meltinguna.

Með kveðju,
Anna dýralæknir á Dagfinni

Spurt og svarað

Spurnig:
Við eigum yndislegan Bengal fress (geldur), og
verður 2ja ára núna í júlí. Hann er ljúfur og góður í allri umgengni, en
hann tók upp á því fyrir nokkrum mánuðum að fara að pissa annars staðar en
bara í kassann. Þetta gerist sjaldan, en einu sinni er of oft að mínu mati.
Hann pissar alltaf á sömu staðina, á handklæðið sem við erum með fyrir
framan sturtuna og í þvottakörfuna inní í þvottahúsi, ef hún stendur opin.
Kassinn hans er reyndar við hliðina á þvottakörfunni. Einu sinni pissaði
hann líka inn í stofu, en það hefur ekki gerst aftur.
Hvað er það sem getur valdið því að hann gerir þetta? Þetta gerist kannski
1-3 sinnum í mánuði.

Svar:
Pissuvandamál hjá köttum geta verið erfið viðureignar og mjög hvimleið, en
það er ýmislegt sem að getur verið orsakavaldur þeirra. Oft er gott að byrja á því að fara í heimsókn til dýralæknisins, gjarnan með þvagprufu með sér ef hægt er, til að útiloka að það sé þvagfærasýking eða annað ss. sykursýki, harðlífi, niðurgangur eða ormar, sem gera að kisa gerir þarfir sínar utan sandkassans. Ef að kötturinn er heilbrigður er hann annaðhvort að merkja sitt svæði innan dyra eða þá að þetta flokkast undir atferlistruflun. Atferlistruflanir eru þá mótmælaaðgerðir, framkvæmdar frá sjónarhóli kattarins til að tala um fyrir eiganda sínum, til að láta vita að eitthvað sé að í kattheimum eða að segja að honum líði illa andlega.
Eins og þú lýsir vandamálinu myndi ég halda að það væru mótmælaaðgerðir í gangi. Það geta auðvitað verið margar ástæður fyrir slíkum mótmælaaðgerðum, oftast beinast þau gegn einhverjum breytingum sem hafa verið gerðar eða átt sér stað. Algengustu ástæðurnar eru:

a.. að kisa hefur verið tekin of snemma frá mömmu sinni,
b.. aldrei lært að gera stykkin sín í kassa,
c.. er einmanna, hrædd og óörugg,
d.. er ekki örvuð nóg,
e.. eigendaskipti,
f.. flutningar,
g.. nýr fjölskyldumeðlimur, oftast smábarn eða nýtt húsdýr, sem að tekur athyglina frá kettinum sem fyrir er
h.. mörg hávaðasöm börn í fjölskyldunni, eða annað sem virkar truflandi, þannig að kötturinn er aldrei í látinn í friði
i.. skilnaður í fjölskyldunni
j.. andlát í fjölskyldunni eða andlát "vinar" (dýr)
k.. óróleiki vegna lykta frá öðrum köttum (berast utanað)

Þegar að kettir pissa í rúmið eða á eitthvað annað sem að eigandinn notar mikið, eitthvað þar sem lyktin af eigandanum situr eftir, er það oftast vegna þess að kötturinn er óöruggur og einmanna. Þegar kisa pissar á slíka staði blandar hún sinni eigin lykt við lykt eigandans og fær þá vissa öryggistilfinningu.
Þótt það séu til kettir sem eru bara alveg ómögulegir, þá er orsök þessarar atferlistruflunar kattarins oftast að finna (í upp undir 90% tilfella) hjá sjálfum eigandanum. Það þarf því að finna ástæðuna fyrir þessari truflun og óánægju kattarins. Það getur tekið langan tíma að finna það og mikla þolinmæði þarf oft til. Hinsvegar þegar ástæðan finnst og hægt er að gera köttinn öruggari fær maður oftast aftur ánægðan og húsvanan kött. Nú hef ég ekki hugmynd um hver ástæðan gæti verið í ykkar tilfelli, en að pissa fyrir utan kassann 1-3var í mánuði er ekki oft þegar um pissuvandamál er að ræða. Það er þó mikilvægt að reyna að finna ástæðuna fyrr en síðar, því vandamálið mun nokkuð örugglega ágerast ef ekkert er að gert. Ég hef oft byrjað á því í svona pissuvandamálum að nota sérstakt lyktarhormón fyrir ketti. Þetta heitir Feliway og fæst bæði sem sprey og úðakló. Þetta er sérstök lykt sem að kettir gefa frá sér þegar þeir eru í "góðu skapi" og vilja vingast við aðra ketti. Áhrifin eru þau að kettirnir verða oft rólegri, merkingaþörf minnkar og þar sem að fleiri kettir eru fyrir hjálpar þetta til við að þeir samlagist hver öðrum. Stundum er þetta nóg, en ég myndi samt fyrst og fremst mæla með að þið legðuð höfuðið í bleyti og reynduð að finna hvaða breytingar kisa mislíkar.

Vona að þetta hjálpi ykkur eitthvað.

Með kveðju,
Anna dýralæknir á Dagfinni

Spurt og svarað

Spurning:
Ég á hreinræktaðan amerískan cocker spaniel rakka, hann verður 1 árs
gamall í byrjun maí. Undanfarnar vikur hefur hann verið að fara úr
hárum og hefur það aukist nú síðustu 2 - 3 vikurnar og er orðið nokkuð
hvimleitt. Við kembum honum nokkuð oft (allajafna daglega) og hann er
baðaður 3 - 4 sinnum í mánuði. Pjakkur (nafnið hans) er á Propac
hvolpafóðri, hann borðar aðeins einu sinni á dag (kvöldin) og því er ég
að halda að kannski vanti hann einhver efni sem valda þessu mikla
hárlosi, getur það verið? (frá upphafi höfum við reynt að fá hann til að
borða tvær máltíðar á dag en án árangurs, hann stækkar samt alveg eðlilega).

Ég sá í frétt í sjónvarpinu fyrir nokkrum dögum síðan að gott væri að
gefa lýsi (þessi frétt var um íslenska tík) það hindraði m.a. hárlos, er
þetta rétt? Og ef svo er hvað má ég gefa pjakknum mínum mikið og oft?

Svar:
Sæl. Hárlos er mjög algengt vandamál hjá bæði hundum og köttum. Hundar fara úr hárum tvisvar á ári, á vorin og haustin og er eðlilegt að maður verði mikið var við hárlosið þá. Ef að hárlosið er mikið árið um kring er ástæða til að athuga það nánar. Við höfum stundum gefið hundunum vítamínsprautu og sett þá á sérstakt fóður sem heitir Hills Sensitive Skin og hefur það oft hjálpað. oft er líka gott að bæta olíu út á fóðrið þeirra, en það eru ekki allar olíur jafn góðar. Lýsi má nota, en það inniheldur mikið af omega 3 og omega 6 fitusýrum, en einnig eru til hreinsaðar olíur, Mirra Coat, en auk omega fitusýranna inniheldur Mirra Coat B-vítamín og zink í réttum hlutföllum, en það hefur oft góð áhrif á húðina og þar með feldinn.

Gott hvolpafóður inniheldur öll nauðsynleg næringarefni og því á ekki að vera nauðsynlegt að gefa önnur vítamín með því. Hvort hann borðar skammtinn sinn einu sinni á dag eða oftar, skiptir engu máli. Það sem máli skiptir er að hann borði skammtinn sinn og dafni vel. Það er fínt að kemba honum daglega, en það er kannski fullmikið að baða hann einu sinni í viku amk með sjampói. Of mikill þvottur hefur nefnilega ekki góð áhrif, ef að við sjampóþvoum hundinn fjarlægjum við líka húðfituna af húðinni en hún er ennþá nauðsynlegri fyrir þá en okkur til að halda feldinum fínum. Það er oft nóg að þvo þá bara þegar manni finnst vera komin "hundalykt" af þeim, eða ef þeir verða haugskítugir.

Með kveðju,
Anna dýralæknir á Dagfinni

Spurt og svarað

Spurning:
Mig langar að koma með hundinn minn (Labrador Retriver) frá útlöndum til
Íslands , en ég veit ekki neitt hverning þetta gengur. Hann er með allar
upplýsingar og ættbók , hann hefur farið á sýningu bara einu sinni , og
fékk "positive" . Ég vona að þið getið hjálpað mér

Svar:
Þegar þú ert að koma með hundinn þinn til Íslands þá er það amk hálfs árs ferli og síðan þarf hann að vera í einangrun þegar að hann kemur til landsins. Ég myndi bara benda þér á að lesa síðuna www.yfirdyralaeknir.is en þar koma fram upplýsingar um innflutning á gæludýrum, bæði hvað varðar kröfur og einangrun. Síðan þarftu að hafa samband við dýralækninn þinn úti, en þeir aðstoða oft í svona málum, en það ert þú sem þarft að hafa íslensku reglurnar á hreinu.

Með kveðju
Anna dýralæknir á Dagfinni

Spurt og svarað

Spurning:
hæ... ég á lítinn gára sem er byrjaður að missa fjaðrirnar á hnakkanum og á
bakinu... svo titrar hún! veistu hvað er að henni?

Svar:
Það er rosalega erfitt að segja hvað er að því að þú lýsir þessu svo lítið. Þetta gæti verið svo margt, sníkjudýr eða fjaðurplokk er það fyrsta sem kemur í hugann, en svo er margt annað sem gæti verið að.
Ég myndi ráðleggja þér að fara með hann til dýralæknis í skoðun, því að þá er hægt að komast að því hvað hægt er að gera fyrir hann.

Með kveðju,
Anna dýralæknir á Dagfinni

Spurt og svarað

Spurning:
Hæhæ ég á eina rottweiler tík sem er 4 ára hun er með alveg rosalegan
vind greyjið það er offt á dag og kemur alveg rosaleg fíla hvað get ég
gert til að léta henni lífið þetta hlítur að vera oðægilegt fyrir hana ?
hvað get ég gert ?

Svar:
Já, það er væntanlega óþægilegt að vera með vindgang alla daga. Þar sem að þetta er tengt gerjun í meltingarveginum er þetta sennilega tengt fóðrinu, hinsvegar vantar mig meiri upplýsingar frá þér til að geta gefið betri ráð en að skipta um fóður. T.d. hvaða fóður ertu að gefa henni? Er hún með niðurgang, linar hægðir eða fastar? Kastar hún stundum upp? Hvað er hún þung og hversu mikið þyngist hún í hverri viku? Hvað er hún að éta mikið á dag? Fær hún mikla hreyfingu, hversu oft og hversu lengi er það þá? Endilega skrifaðu aftur og þá getum við reynt að sjá hvort þetta sé bara fóðrið eða eitthvað annað líka.

Með kveðju,
Anna dýralæknir á Dagfinni

Spurt og svarað

Spurning:
Mig langaði að forvitnast aðeins hjá ykkur en nú á sonur minn
dverghamstur sem er búinn hér hjá okkur í tvö ár. Hann fefur verið mjög
gæfur og mikið á ferðinni eins og hamstrar eru en skyndilega er hann
eitthvað orðinn veikur. Hann heldur ekki beint jafnvægi og kemst ekki
lengur upp á afturfæturnar þannig að hann nær ekki að fá sér vatn né
borða sjálfur þannig að við höfum verið að gefa honum bara úr lófanum
það sem hann vill og svo gefið honum vatn bara úr sprautu. Ég veit ekki
hvort hann kvelst en það er erfitt fyrir okkur að horfa upp á hann svona
sérstaklega þar sem hann virðist vera orðinn alveg bjargarlaus en er
ennþá með lífsmarki og lyftir upp höfði þegar við nálgumst hann. Hér
ríkir því mikil sorg hjá börnunum en það er mín spurning hvort eitthvað
sé hægt að gera? Við viljum síður sjá hann kveljast og veslast upp og
því er spurning hvað sé best að gera í þessari stöðu? Ég veit að líftími
hamstra er ekki langur og hann hefur verið hér hjá okkur eins og áður
sagði í tvö ár þannig að þetta er kannski bara hans tími núna eða er
eitthvað hægt að hjálpa honum?

Svar:

Dverghamstrar lifa sjaldan lengur en 2 ár. En of er hægt að hjálpa þeim, ef snemma er tekið inn í sjúkdómsferlið. Hamstrar fá oft sýkingar þegar þeir eldast sem oft er hægt að meðhöndla með réttum lyfjum. En hins vegar hrjáir þá of krabbamein með aldrinum sem lítið er hægt að gera við, nema létta þeim lífið. Mæli ég með að þú látir dýralækni kíkja á hamsturinn sem fyrst. Fram að því er betra að gefa þeim t.d. barnamat eða hafragraut sem er orkuríkara en kornin og fullt af vökva.

Kv.
Dagfinnur

Spurt og svarað

Spurning:
Erum með gárastrák 5 mán. sem við fengum 8 vikna gamlan til okkar
handmataðan. Hann er orðin mjög vanur okkur og kemur á puttann og er
mikið úti að vesenast hjá okkur. Um helgina fengum við okkur stelpu
handa honum ca. 6mán. og hann gjörsamlega varð yfir sig ástfanginn að
við höldum. Hann dansar um allt búrið - gefur henni að borða og vill
vera alveg utan í henni. Það sem vekur hjá okkur spurningar er það að
hann bítur hana svo mikið í krig um hálsin og augun og jafnvel í
nasaholurnar en hún gerir ekki neitt. Eru þetta bara ástaratlot eða er
hann að sýna yfirráð ? Hún var vængstífð þegar við keyptum hana og er
svolítið hvekkt vegna þess og óörugg og mér finnst hún ekkert borða. Er
svolítið hrædd um að hann gangi algjörlega yfir hana ! Í gær tókum við
Tuma úr búrinu og þá varð hún alveg ómöguleg blístraði á hann og hann á
móti og hætti ekki fyrr en hann var settur í búrið aftur er þetta
eðlilegt eftir svona stutt kynni ?

Svar:
Þessi hegðun gárans ykkar hljómar eins og hann sé mjög hrifinn að kvenfuglinum. En ég skil vel að þið séuð svolítið óörugg með hegðun þeirra, því að það hljómar líka eins og hann sé einnig að sýna henni ákveðin yfirráði. Ef að hann bítur hana mjög mikið þá eru það ekki bara ástaratlot, heldur líka til að setja hana á sinn stað. En svo blístra þau á hvort annað og það getur verið svolítið erfitt að meta hvort að það sé vegna þess að þau séu svona hrifin af hvort öðru eða hvort að hún finni ákveðið öryggi inn í búrinu hjá honum og vilji þess vegna komast inn aftur. Ef að hún borðar lítið þá held ég að best væri að aðskilja þau og reyna að fá hana til að borða. Það er mjög mikilvægt að hún borði einfaldlega vegna þess að annars getur hún veikst mjög auðveldlega, bæði vegna matarskorts og þess að hún er undir mjög miklu álagi þessa dagana (skipta um heimili osfrv). Það er best þegar að nýr fugl er kynntur inn á heimilið að hafa þá í sitt hvoru búrinu í nokkurn tíma, bæði til að leyfa nýja fuglinum að aðlagast umhverfinu og líka til að sá gamli sættist á að það sé kominn nýr fugl. Það er mest til að fyrirbyggja að upp komi ósætti, en svo er hægt að stilla þessum 2 búrum mjög nálægt hvort öðru allt eftir því hvernig gengur með fuglana.
Vona að þessi svör komi að einhverjum notum.

Með kveðju,
Anna dýralæknir á Dagfinni

Spurt og svarað

Spurning:
Mig langar að vita hvernig hægt er að af
lúsa fugla, eða eyða úr þeim fló.
Málið er að ég fann dúfu unga sem að ég hef alið upp á svölunum hjá mér,
hann er að byrja að vera fleygur og skrapp í smá flug sem að olli því að
hann hvar í nokkra daga, ég var að finna hann aftur úti, og þegar ég tók
hann upp þá sá ég að hann var allur í lús eða fló.

Svar:

Já það er hægt að koma með dúfuna og láta meðhöndla hana fyrir lús.

Kveðja.
Dagfinnur

Spurt og svarað

Spurning:
Hæhæ, við vorum að eignast kanínu sem var verið að gefa okkur og hún er
2 ára, en ég hef smá áhyggjur því hún er svakalega belgmikil og svo
lekur hvítur vökvi úr öðru auganu á henni. Hún var með annari kanínu í
búri sem mér var sagt að væri kvenkyns en gæti það verið að hún sé
ungafull? Á ekki að klippa neglurnar á kanínum því þessi er með
svakalega langar neglur?
Takk fyrir

Svar:
Sæl . Það er nú erfitt að segja til um hvort kanínan þín er ungafull svona í tölvusamskiptum, eins og gefur að skilja. Það er annaðhvort fyrir þig að bíða og sjá hvort það komi ungar eða koma með hana.í skoðun til dýralæknisins.
Trúlega er hún með augnsýkingu fyrst að það kemur hvítur vökvi úr auganu, stundum kemur hvítt/grátt í augnkrókana svona eins og stírur, en það á ekki að vera mikið og ekki vökvakennt.
Oftast þarf maður ekki að klippa neglurnar á kanínum, en það getur þurft ef að þær slíta þeim ekki sjálfar. Maður þarf bara að passa sig á að klippa ekki í kvikuna á þeim og ef að neglurnar eru langar þá er kvikan framar heldur en að hún er á venjulegum kanínum.

Með kveðju,
Anna dýralæknir hjá Dagfinni

Spurt og svarað

Spurning:
Sonur minn á hamstur sem eignaðist unga þann 10.júní - við höfum alveg
látið þá eiga sig. Núna eru þeir aðeins farnir að hreyfa sig út fyrir
húsið sem þeir hafa verið í. Spurningin er: hvenær má taka þá frá
mömmunni og megum við hreinsa almennilega til í kringum þá? Er í lagi
að taka ungana upp eða er þá möguleiki á að mamman hafni þeim? Við
vitum bara hreinlega ekkert um þessi blessuðu dýr þannig að allar
upplýsingar eru mjög vel þegnar!!! Með fyrirfram þökk og kveðju

Svar:
Ungana má taka frá mömmunni við ca. 3 vikna aldur. Þá ættirðu að mega taka þá upp án þess að óttast að mamman hafni þeim, en þeir þurfa ekki að vera lengur hjá henni þegar að þeir hafa náð þeim aldri. Og þá er alveg óhætt að hreinsa til í kringum þá líka, best er samt að gera ekki allar breytingarnar á sama tíma.
Vonum að þetta hjálpi eitthvað.

Með kveðju,
Anna dýralæknir hjá Dagfinni

Spurt og svarað

Spurning:
Ég á dverghamstur sem eg er buin að eiga síðan í mars á þessu
ári. Hann á það til að klifra upp búrið sitt og láta sig detta á bakið...
hann gerir það daglega og mjög oft.. en áðan þegar ég horfði á hann klifra
sá ég stórt rautt kíli standa út úr öðrum aftur fætinum á honum... og ég
skoðaði hann betur þá sá ég fótinn sem kílið var við, allveg snúinn við...
bara allveg búinn að snúa við einsog hann sé fótbrotinn... samt labbar hann
áfram ?... hvað er þetta? krabbamein eða eitthvað?.. er betra fyrir hann að
láta aflífa hann eða á ég að fara til dýralæknis og sjá hvað hann segir?...
og hvert get ég þá farið til dýralæknis?...

Svar:
Það er afskaplega erfitt að segja til um hvað það er sem að þú ert að sjá á fætinum á hamstrinum þínum án þess að skoða hann. Farðu með hann til dýralæknis og sjáðu hvað hann segir. Ef að þarf að aflífa hamsturinn þá gerir dýralæknirinn það í framhaldi af skoðuninni. Og þú gætir td. komið með hann til okkar á Dagfinni en það er á Skólavörðustíg 35, 101 Rvk. Sími 552-3621.

Með kveðju,
Anna dýralæknir á Dagfinni.

Spurt og svarað

Spurning:
Ég var að fá 2 kisur sem eru ca. 3-4 mánaða gamlar, ég fékk ekki nákvæman
aldur á þær, en allavega þá hafa þær aldrei farið til dýralæknis og ég
vildi vita hvaða sprautur þær þurfa að fá og þar sem þetta eru innikisur
hvort það þurfi að örmerkja þær?

Svar:
Kisurnar þínar þurfa að fara í bólusetningu, fyrst þarf að grunnbólusetja þær en það eru 2 sprautur með mánaðar millibili en síðan eru þær bólusettar einu sinni á ári. En ef að þær eru algerlega innikisur og fara ekkert þá er oft nóg að bólusetja bara annaðhvort ár. Síðan þarf að ormahreinsa þær einu sinni á ári, en það er skylda og svo er líka skylda að örmerkja kettina, jafnvel þótt þær séu bara innikisur.

Með kveðju,
Anna dýralæknir á Dagfinni

Spurt og svarað

Spurning:
Komdu sæl!
Ég er með 5 mánaða tík, sem er blanda af íslenskum og bordie colli hund.
Var að spá hvort það væri ákveðið magn af mat sem miðað við er við að
þeir ættu að borða á sólahring. Einnig er það ekki rétt að best sé að
gefa þeim x2 á sólahring. Einnig í sambandi við vatnsmagnið hvað er
svona ca. sem þeir þurfa að drekka á sólahring.

Svar:
Magn af mat fer eftir stærð hundsins, hreyfingu og gerð fóðursins. Vanalega eru leiðbeiningar um magn fóðurs á pokanum. Það er rétt hjá þér að best er að deila mataskammtinum þannig að hundurinn fái að borða 2 sinnum á dag. Best er að láta hundinn hafa frjálsann aðgang að vatni og láta hann sjálfann stjórna því hve mikið hann drekkur.

Bestu kveðjur
Dagfinnur dýralæknir

Spurt og svarað

Spurning:
hæhæ ég á 1 ár gamla tík hún er cavalier en vandamálið er það að hún
hefur kastað mikið upp undanfarið.. hún kastar aðalega upp eftir að hún
hefur drukkið vatn?

Svar:
Hundar eru þannig gerðir frá náttúrunnar hendi að þeir þurfa að kasta upp öðru hverju og éta þá oft gras til að hjálpa sér til þess. Svo það getur verið erfitt að segja til um hvort uppköst séu eðlileg eða ekki. Til þess að vita það þarf miklu meiri upplýsingar heldur en að þú gefur í bréfinu þínu. T.d. þarf að vita magn, útlit, hversu oft, er þetta á einhverjum sérstökum tíma dags osfrv. Það eru margar spurningar og margvísleg svör. Því myndi ég ráðleggja þér, þegar um svona vandamál er að ræða að hringja í dýralækninn þinn og spjalla við hann, því að þá eru miklu betri líkur á að hægt sé að greina orsök vandamálsins.

Gangi ykkur vel

Með kveðju
Anna dýralæknir á Dagfinni

Spurt og svarað

Spurning:

Ég á gára, mjög gæfan en einhverra hluta vegna eru neglurnar hans orðnar
svo langar að það háir honum. Má ég klippa þær þ.e. stytta þær?

Svar:
Það er allt í lagi að klippa klærnar á fuglum. Flestir eru með ljósar klær þannig að það sést hvar kvikan er, en það má alls ekki klippa í hana. Hjá fuglum má heldur ekki klippa alveg upp við kvikuna, því að þeir þurfa að hafa það langar klær að þeir geti notað þær við að grípa og halda utan um pinnana í búrinu sínu. En það er bara að prufa og byrja þá á að taka bara lítið í einu og athuga hvernig að fuglinum líkar snyrtingin. Ef að þið teljið að þurfi að taka meira þá takið þið bara smá í viðbót, eða þar til komin er passleg lengd.

Með kveðju
Anna dýralæknir á Dagfinni

Spurt og svarað

Spurning:
Mig langaði að fá smá upplýsingar hjá ykkur, ég er með chihuahua tík
sem er 7 mánaða og langar að vita hvenar hún byrjar á blæðingum ? Og
hversu gömul getur hún farið að eignast hvolpa ? Eða get ég núna látið
taka hana úr sambandi ? /

annað vandamál með litlu dömuna mína, Hún gerir enn þarfir sínar inni
( út um allt ) og þótt ég sé með hana úti í 4-5 tíma þá heldur hún í sér
og það fyrsta sem hún gerir er inn er komið er að fara e-hvað og míga
:S ER e-hvað sem ég get gert ?

Með fyrirfram þökk um góð svör

Svar:
Fyrst þarftu að fara með hana á hvolpanámskeið. Best er að taka hana úr sambandi ef þú vilt ekki hvolpa. Best að láta gera það sem fyrst. Venjulega fara tíkur á lóðerí frá 7-12 mánaða aldri getur verið solítið dulið fyrst.

Kveðja
Dagfinnur

Spurt og svarað

Spurning:
Hvernær er best að gelda kisu ég á hreinræktaðan norskan(strák) og var
að pæla hvenær það væri best og ef maður sleppir því hvort hann fari að
merkja allt inni hjá okkur(hvað eru þeir gamlir þegar þeir fara að
merkja)

Svar:
Best að gelda hann 5 mánaða gamlan. Það er hætta á að hann merki ef er ógeltur bæði hjá þér og nágrönnum þínum. Þú ert abyrgð fyrir að hann skemmi ekki hjá öðrum t.d. með merkingum.

Kveðja
Dagfinnur

Spurt og svarað

Spurning:
Ætlaði að athuga hvort ég gæti fengið svar við því hvort maður vissi
hvenar tík er á lóðaríi, breytist hegðun hennar e-hvern veginn ???

Svar:
Tíkur lóða vanalega í fyrsta sinn á aldrinum 6-9 mánaða og svo á sirka hálfs árs fresti eftir það, vanalega alla ævi. Helstu einkenni sem þarf að fylgjast með er að ytri kynfæri bólgna upp og það blæðir frá þeim í nokkra daga. Blæðingarnar standa vanalega í um viku, en eftir það er tíkin á mesta frjósemisskeiðinu í um viku, en þá kemur oft strágul útferð frá henni. Það getur verið einstaklingsmunur á lengd tímabilanna og því þarf að fylgjast vel með tíkinni og halda henni frá karlhundum í um þrjár vikur, ef ekki er ætlunin að para hana.

spurt og svarað

Spurning:
Ég er með naggrís sem er 8 mánaða. Í fyrradag tók frænka mín eftir að
önnur framtönnin var brotin og í gær þegar ég skoðaði upp í hann sá ég
að hin hafði líka brotnað. Er til einhver skýring á þessu.?

Svar:
Hvað ertu að gefa naggrísinum þínum að borða? Það er náttúrulega alltaf erfitt að segja til um hvað er að, án þess að maður kíki á dýrið en hugsanlega skortir kalk í matinn og etv. eru tennurnar brothættari þess vegna. Er möguleiki á að tennurnar hafi verið orðnar of langar? Stundum brotna þær ef að þær eru of langar. Svo er bara að muna að setja C-vítamín í vatnið hjá þeim og passa að þær fái fjölbreytt og gott fæði.
Gangi ykkur vel með litla dýrið.

Kærar kveðjur,
Anna hjá Dagfinni dýralækni

Spurt og svarað

Spurning:
Ég ar að spá hvort ég mætti gefa 3ja vikna kettling nýmjólk??
ef ekki. hvernig mjólk þá?? bý úta landi og það fæst ekki kettlingamjólk
hérna. of langur tími ef ég panta.
hann er sko smá fyrirburi og hann stækkar ekki mikið. systkyni hans
stækka en ekki hann. veit ekkert hvað ég á að gera.

Svar:
Það er nú ekki alveg nógu sniðugt að gefa svona litlum kettlingum eingöngu nýmjólk, hún inniheldur ekki alveg öll þau efni sem að litlir kettlingar þurfa en kattamjólk er bæði feitari og próteinríkari en nýmjólk. Svo væri ógerilsneydd nýmjólk betri ef að þú hefðir tök á að komast yfir hana. En ef þú hefur ekki annað en venjulega nýmjólk þá er alveg hægt að notast við hana. En uppskriftin af kettlingamjólk er:
1 eggjarauða
1 dl rjómi
1 dl nýmjólk
Þessu er bara öllu blandað saman og svo er kettlingunum gefið þessi blanda, velgt upp í líkamshita og svo er kettlingunum gefið á 4-5 tíma fresti.
Prufaðu þetta og sjáðu hvort sá stutti fer ekki að dafna. Gangi ykkur vel.

Með kveðju,
Anna dýralæknir hjá Dagfinni

Páfagaukaráðgjöf

Einkaráðgjöfin hentar þeim sem:
eiga páfagauk og langar að fræðast meira um hann,
finna til þess að þeir eru að missa tökin á páfagauknum sínum og hegðun hans,
vilja eiga í betra sambandi við páfagaukinn sinn,
vilja auka lífsgæði páfagauksins síns,
eru hræddir við páfagaukinn sinn sökum reynsluleysis eða vegna slæmrar reynslu á borð við slæmt bit o.s.frv.
eru að takast á við kynþroska fugl eða að undirbúa sig fyrir kynþroska hans*
telja sig þurfa að láta fugl frá sér af einhverjum ástæðum,
eiga "einnar manneskju" fugl og vilja venja hann við fleira fólk,
*ýmsar hegðunarbreytingar geta átt sér stað þegar fuglar verða kynþroska og er agi gífurlega mikilvægur liður til að halda t.d. árasargirni í lágmarki.

Hlutir sem ég vinn með:
að fræða eigandann um tegund fuglsins, skapgerð, þroskaferli og mismunandi þarfir hans en það
gerir hann betur í stakk búinn til að takast á við þær breytingar sem geta orðið á sambandi fugls og
eiganda,
hegðunar"vandamál"; bit, öskur, árasargirni, leiði o.s.frv.
samband einnar manneskju fugls við eiganda og annað heimilisfólk,
að styrkja tengsl milli páfagauks og heimilisfólks og að bæta líkamsástand fugls og líðan hans

Það getur verið auðveldara fyrir þig að fá hjálp við að vinna með fuglinn þinn heldur en að finna fyrir hann nýtt heimili.

Þekking mín og reynsla:
Ég heiti Díana Lind Monzon og hef um langt skeið verið áhugamanneskja um málefni þau er tengjast páfagaukum. Síðan 2003 hef ég skrifað ýmsar greinar um páfagauka, uppeldi þeirra og þarfir ásamt því að sitja fyrir svörum páfagaukaeigenda. Nýverið lauk ég Certified Avian Specialist gráðu frá Samtökum gæludýraiðnaðarins í Bandaríkjunum. Í apríl sl. fór ég til Flórída og fylgdist með Dr. Vanessu Rolfe, DVM að störfum en hún starfar við The Bird & Exotic Hospital. Ég hef einnig heimsótt kakadúaathvarfið Mollywood í Washingtonfylki, BNA en það var mjög fróðleg heimsókn. Ég er svæðisráðgjafi á Íslandi fyrir the Amazona Society og hef verið boðið að gerast þýðandi fyrir World Parrot Trust. Ég er vel lesin, hef verið áskrifandi að fuglatímaritinu Bird Talk um árabil og hef komið mér upp góðu safni bóka um páfagauka. Ég hef því góðan aðgang að uppflettiritum ásamt því að vera í sambandi við þekkingarmikla aðila erlendis.

Kær kveðja,
Díana Lind Monzon, CAS (Certified Avian Specialist)
Páfagaukaráðgjafi

www.oratrix.tk

Spurt og svarað

Spurning:
Ég á 10 að verða 11 ára gamla chihuahua tík. Við fengum að vita síðasta vor að hún væri með krabbamein. Hún fór í aðgerð og æxlið var tekið en dýalæknirinn sagði samt að það væri líklega búið að dreifa sér.

Núna hefur hún verið að gubba, ekkert mikið en það gerist alltaf á nokkra vikna fresti, gæti það verið einhver vísbending um að heilsunni er að hraka?

Svar:
Það er möguleiki að þetta sé merki um að krabbameinið sé að láta á sér kræla, en það getur líka verið eitthvað annað, þannig að þú skalt láta dýralækninn athuga það.

kveðja,

Dagfinnur

Spurt & svarað

Spurning:
Mig langaði svo að spyrja ykkur. Kisan mín er er 7 mánaða fress. Hann er búinn að vera eitthvað kvefaður undafarið alltaf hnerrandi og eins og hann sé með hálf stíflað nef. og svo lekur stundum úr öðru auganu og ég hélt kanski að þetta myndi bara lagast en svo finnst mér hann vera eitthvað svo slappur sefur mest..... ?

En matarlystin er enn sú sama hefur ekkert minnkað.
Gætuð þið eitthvað bent mér á hvað þetta sé? (og eitt enn þetta er innikisa)

Svar:
kisan þín er greinilega kvefuð, en svona sýkingar eru algengar hjá kettlingum. Þetta eru oftast veirusýkingar og geta lagast á 3-4 dögum, en ef það gerist ekki þarftu að fara með kisa til dýralæknis.
kveðja,
Dagfinnur